Munaasibadii uu Maayor Cabdala Maxamed Carab uu Ku caddeeyay in uu ku biiray Xisbiga Kulmiye isuna soo sharaxayo Golaha Deegaanka Berbera

Magaalada berbera ee xarunta gobolka saaxil ayaa waxa maanta ka dhacday munaasibad lagu maamuusayay kusoo biirida iyo shaacinta musharaxnimada uu Duqa degmada berbera Cabdalle Maxamed Carab uu Isu soo taagay marlabaad in uu ka qeyb galo doorashada golaha deegaanka ee degmada berbera, Waxaana xafladaa kasoo qeyb galay Marwada koowaad ee Somaliland Marwo Aamina Waris Sheekh maxamuud Jirde hogaanka sare ee Xisbiga Kulmiye Muuse Biixi Cabdi iyo Maxamed Kaahin Axmed iyo raxan wasiiro ah oo ka socday dhinaca xukumada oo ay kamid ahaayeen wasiirada Ganacsiga, Kaluumaysiga,Dhalinyarada iyo Ciyaaraha, Wasiirka Diinta iyo awqaafta,wasiir kuxigeenka waxbrashada, xildhibaano ka kala tirsan golayaasha sharci dajinta iyo guurtida sidoo kale waxa iyaguna xafladaa lagu maamuusayay shaacinta musharaxnimada duqa degmada berbera kasoo qeyb galay dadweyne aad ubadan oo isaga kala yimi gobolada dalka shacbi weynaha reer berbera ayaa iyaguna soo buuxdhaafiyay madasha ay xafladaasi ka dhacaysay oo ahayd Hotel Maansoor ee magaalada berbera.


Mayor Cabdale Maxamed Carab ayaa isagu maanta madashaa xafladu ka dhacay ka cadeeyay in uu sirasmiya ugu taaganyahay doorashada golaha deegaanka degmada berbera Isaga oo ka sharaxan xisbil Xaakimka Kulmiye ee uu dhawaan ku biiray waxaanu duqa degmada berbera noqonayaa mayarka kaliya ee maayaradii gobolada dalka kaligii kaga biiray xisbil xaakimka Kulmiye halka ay maayaradii kale ee goboladu ukala digarogteen ururada siyaasada ee cusub, Mayor Cabdalle Maxamed carab oo bisagu dhawaan uun ku biiray xisbiga kulmiye ayaa noqday siyaasigii ugu miisaanka cuslaa ee ku biira xisbiga kulmiye Kagana biira gobolka saaxil isagoo ka baxay xisbigii udub ee uu naafeeyay khilaafku kaasi oo uu hore uga tirsanaan jiray xubnimada golaha deegaankana uu kasoo galay,

Xafladan oo lagu qabtay Hotel Maansoor ee magaalada Berbera waxa madashaa ugu horayn ka hadlay gudoomiyaha xisbiga kulmiye Muuse Biixi Cabdi oo sheegay in uu kasoo kicitimay Xalay magaalada Borame ee xarunta gobolka Awdal hargaysa oo hawlo badani u yaaleena soo baalmaray Isaga oo sheegay in uu hawlahaas oo dhan usoo baajiyay in uu ka qeyb galo Xaflada lagu maamuusayay musharaxnimada duqa degmada berbera Cabdalle Maxamed Carab oo uu kutilmaamay shaqsiyad hawl karnimo iyo horumar heegan u ah islamarkaana Waxbadan oo la taaban karo ka qabtay degmada berbera xukumada hada joogta ee Kulmiyena la jaanqaaday isaga oo gudoomiyaha xisbiga Kulmiye xafladaa ka hadlaayana waxa uu yidhi”Waxa aan maanta halkan unimi in aanu farxada la qeyb sano shacbiga reer berbera iyo maayarkooda xafladan loo sameeyay ee lagu shaacinayo musharaxnimadiisa Golaha deegaanka degmada berbera, anigu xalay waxa aan joogay Borame oo aan ka soo Guday hargaysa oo hawlo badani ii yaaleen waan soo dhaafay wax kale umaan soo dhaafin waxa aan usoo dhaafay in aan reer berbera ugu baaqo in ay Cabdale marlabaad soo doortaan ana waan ukaabayn garaynayaa sababtoo ah Mayar Cabadalle wax badan ayuu berbera uqabtay oo waliba muuqda isaga ayaan idiin mihiima oo waxqabadka halkaas kasii wadi kara, Gudoomiye Muuse Biixi Cabdi oo hadalkiisa sii wataa waxa uu yidhi”Mudo sadex sanadood ku dhaw ayaan daba socday sidii aan Mayar Cabdalle Kulmiye ukeeni lahaa sababtoo ah waxa aan ogaa waxqabadkiisa.
,

Sidoo kale Wasiirka ganacsiga Somaliland Cabdirisaaq Khaliif Axmed ayaa ku amaanay mayor Cabdalle in uu Berbera isbedelka muuqda ku sameeyay Berbera waxaanu yidhin, wasiirku bulshadu waa in ninkii wax u qabanaya ay laabta ka ogaataa ,isagoo kaftamayana wuxuu yidhi, maalin baan mayorka ku idhi xiliyadii hore maxaad sidan wax ugu qaban waydeen isagoon ii jawaabin ayaan ku idhi wasiirku iskadaa anaa gartoo waraaqihii fadlanta ahaa ayay xukuumadi joojisay markaa wixii cashuurta idinka soo galay ayaa wax ku qabateen,

Dabcana xafladan oo ilyartu is qabatay waxa ka hadlay xildhibaano salaadiin caaqilo waxaanay dhamaantood qireen miisaanka uu leeyahay mayor Cabdalle Berbera iyo horumarka uu hormoodka ka ahaa ee berbera dib usoo noolayay,

Maayorka Berbera oo fagaarahaa ka hadalay ayaa ugu horayn u mahad naqay madaxda kala duwan e soo xushmaysay xafladan e caasimada Hargaysa ka yimid ,marwada Madaxwaynaha Somaliland iyo haweenka ururada e caasimada Hargaysa ka yimid .sidoo kale waxa uu amaan badan usoo jeediyay shacabka reer Berbera ee hawlihii qaranka ee uu hayay hareeraha la hayay maantana xafladan siwayn uga soo qayb galay
Waxaanu nyidhi isagoo hadalkiisa sii wata waxa aan idiin sheegayaa sababta aan kulmiye u galay waa xukumada hada joogta oo masuuliyiinta xilka haya u daaya shaqadooda wax fara galinana aan ku samayn docda kalena waxa ay marwalba lasocdaan hawlaha aanu hayno halka ay marayaan hadaan lawada shaqayna waxba ma socdaan,waxaanay marwalba nagu jeegarayeen shaqada aanu qaranka u haynay

Madashan ayaa saaka lagusoo bandhigay ciyaaraha hidaha iyo dhaqanka oo kala duwan waxaana aakhirkii mayorka magaalada berbera marwada kowaad ee Somaliland gudoonsiisay shahaado sharaf ay ku maamuustay waxqabadkiisa iyo kartidiisa keentaya horumarka adeegyada kala duwana ee uu berbera kasameeyay Mayor Cabdale Maxamed Carab iyo guud ahaanba gobolka saaxil sida wadooyinka, fidinta magaalada , bilicda iyo Adeegyada asaasiga ah ee uu kaabo sida waxbarashada, caafimaadka, iyo biyaha iwm

Comments are closed.